【財經TOP SEARCH】美團突夾高「推手」係...

【Now財經台】截至早上10時45分止，1小時內《彭博》用戶搜尋量最多港股，依次為美團(03690)、新世界發展(00017)、萬科企業(02202)、新鴻基地產(00016)及ESR(01821)。

美團喺科技指數嘅比重會喺今日(1日)收市後由6.9%升至8%，而ATJX比重都細咗。受消息帶動，美團股價今日掉頭回升，並愈升愈有，一度高見86.5元，衝上兩個月高位，美團股價後市會點走？

大華繼顯執行董事梁偉源指，美團今日帶動恒指向上，一般嚟講，即使有季檢調整消息，基金都會等到臨近收市先加返比重，相信股價嘅升幅係嚟自「偷步」嘅短線炒盤，藉消息喺早段時間買起美團。睇返美團嘅技術走勢，上次公布業績後累積咗好大跌幅，一度跌至61元至62元，暫時嚟講股價要上到90元以上阻力相當大，相信要見到業績實際有改善，先有機會補到裂口。