【專家分析】大股東私有新秀麗難度高
【分析】 2024/02/27 17:19
![](/CMS_images/NewsImageBig/FIN-BNC-INTERVIEW-240227-1400.jpg)
【Now財經台】市傳「喼神」新秀麗(01910)畀私募基金睇中,有意收購公司股權,又話正研究收購後,再重新喺美國等市場上市。至於新秀麗大股東正研究提升公司估值嘅方式,包括私有化等。到底新秀麗有咩因素吸引到私募基金出手?大股東最終又會唔會私有化新秀麗?
華盛證券財富管理部董事李偉傑認為,新秀麗盈利喺疫後已回升至一定水平,去年首9個月賺逾2.6億美元,已算係翻身得好快。私募基金想喺收購後,將公司重新喺美國掛牌,相信係考慮到美股市場比港股大好多。
至於大股東想私有新秀麗,Jason認為有一定難度,因為現時主要股東持股量最高只有5.9%,意味要攞350億元資金出嚟,先有機會私有化。
Jason又認為,新秀麗股價依家處於高水平,未必會接受全購,反而收購部分股權機會較大。
![]() | 李偉傑 華盛證券財富管理部董事 |