【now.com財經】由上個星期四(3月14日)開始嚟料覺得被我家老爺傳染之後，到今日差不多一個星期，Feel到自己開始進入尾聲&瞓多覺就會好番嘅階段；繼續藥房叔叔涼果潤喉。
噚日恒指以低速度運行，基本上唔出倉都唔會有咩事發生；比較留意住嘅係日線圖上有10/20/100線接住，所以噚日自己心底裡暗暗地mark住好倉，不過都只限mark住，實在係想比多一日時間去back test呢三條線；再加上今個星期...大家都知佢咩料啦。
今朝起身終於都見到出面街景，噚日大霧+潮濕到能見度應該得伸手咁遠左右，不過天氣又會涼返啲。而恒指今日亦吹冷風，完U後報出跌109點之後，及至開市就一直下降，到依家9點36分，跌幅擴大至跌229點，報16,508點，作戰室喺未開市之前已經Plan定出淡倉。再嚟到依家9點45分，指數一度跌穿16,500點，將首兩層牛證街貨全數收回，呢兩層有相當於291張期指，量唔多；但關鍵在於指數一步向下再靠近返落去牛證街貨層，同步重貨區16,400至16,499點已經變成牛證第一層街貨。
換言之，日線圖上嗰三條平均線已經失守，但畫返條「上升通道」出嚟嘅話，擺位上見指數又剛好踩住「上升通道」底線。如果話噚日比一日時間Back test嗰三條平均線係仁慈的話，咁如果今日再比多一日時間Back test「上升通道」底線，你可以話係日行一善，亦都可以話係等住睇圖嘅同時亦都等住啲議息結果係點。
仲有3分鐘10點，BOJ今日10點半會有結果，而作戰室淡倉注已經玩完兼做埋反手好倉數定格仔，換個小時圖八掛一下，見指數喺小時圖上出咗「錘頭」，下影線剛好踩住150線，亦都係今朝未開市之前喺作戰室mark定嘅下方量度線水平。
10點後見指數喺小時圖開始爬返上100線，呢個低位「錘頭」都應該有啲料到嘅，小時圖100線守得穩的話，恒指牛(51677)，收回價16,200點，同現價有約360點距離，槓桿有約37.65倍夠做Day Trade。依家10點7分見五分鐘圖Slow STC(14.3)觸底抽到上中軸位，當行埋嗰一半Swing都得嘅，如果快手的話。
作者阿珊，以技術分析專心玩輪證，唔貪心，努力賺取我家肥貓罐罐。
Patreon作戰室免費試用：https://www.patreon.com/join/cbbcwar
