【Now財經台】蘋果公司日前發布首款天價混合實境(MR)頭戴式裝置Vision Pro，不過，遭有「最強蘋果分析師」之稱，天風國際分析師郭明錤大潑冷水，指Vision Pro售價太貴，仲要逾半年後先開賣，拖累被視為唯一受惠股、現時逾90%收入來自Apple嘅高偉電子(01415)，股價噚日急瀉，今日一度反彈10%，呢隻Apple蘋果概念股有冇投資價值？
南華金融集團高級分析師莫灝楠指，Vision Pro定價太貴，銷售未必太理想，繼而影響相關嘅電子零件商銷售，Casper提醒，如果想趁Vision Pro正式登場炒相關概念股，部分高估值嘅股份就要小心。佢又估計，高偉嘅定單可能已經到咗高峰，因此，短期唔建議入手。
