【Now財經台】港股今日(17日)一度急瀉逾600點，有逾1500隻股份向下，手機設備股亦難逃一跌，其中，以高偉電子(01415)跌幅最大，一度瀉逾15%，而2024年開局以來已累跌逾20%。之前曾拖累高偉急挫嘅蘋果公司(Apple) Vision Pro，周五(19日)開始預售，點解喺預售前股價再度急挫？擔心預售反應唔理想，還是市況差投資者寧願先take profit？
元宇證券投資總監林嘉麒認為係後者，雖然Vision Pro售價貴過預期，但股價之前已跌咗落嚟，相信今日大跌唔會係同一個原因。依家高偉預測市盈率(PE)逾30倍，市場預期集團今年每股盈利增長會更可觀，當投資者認為PE喺下半年達到預測水平嘅機會唔大，而市場上又有更多平貨，可能會選擇先行沽貨套現，再觀望Vision Pro銷情再做部署。
此外，Apple中國官網預告將會推出「迎新春限時優惠」，呢個會唔會係高偉股價插水嘅主因？KK就認為，受呢個因素影響嘅機會較大，因為...
