【Now財經台】最新《財政預算案》就經濟及金融發展方面，提出多項吸引外資嘅政策，包括向旅發局額外撥款約2億元，以爭取國際會議及展覽來港，以及於未來3年向投資推廣署提供1億元，期望吸引更多家族辦公室落戶。
馬山資本董事總經理林子傑認為，呢啲政策方向正確，有助香港重新爭取國際金融中心嘅地位。佢又話，過去幾年因為防疫措施，唔少國際會議同展覽移師至新加坡舉行，而主辦方通常會同當地簽訂數年合約，因此，佢認為香港政府應主力吸引新嘅展會來港先「做旺個場」，過多幾年再吸納返之前失去嘅舊客。
近年好多家族辦公室新加坡，新加坡數據分析公司Handshakes嘅資料顯示，當地家族辦公室數目由2018年嘅少量大增至去年底約1500家；而根據2022年福布斯嘅新加坡富豪排名榜，前10大富豪有半數來自內地。
Kevin指出，唔少富豪透過成立家族辦公室作投資移民，而富豪家族通常會喺多個國家有家族辦公室以分散投資，加上香港將重推投資移民計畫，佢認為香港同新加坡喺吸引家族辦公室方面唔存在競爭關係。
