【Now財經台】今星期美股焦點一定離唔開英偉達(Nvidia)，除咗黃仁勳呢個「人工智能(AI)教父」跌落神壇，市場亦關注事件會唔會引發美國，進一步收緊晶片出口管制，同埋繼任人可唔可以維持到公司現有競爭優勢。摩根大通指，現時中國及其他市場佔公司收入約8%，Nvidia下周三(18日)就會派第3季成績表，點睇Nvidia下調收入指引呢個動作？
勝利證券首席顧問陳建良認為，Nvidia業績一定冇問題，集團亦對外指營運冇問題，又話會配合調查，但依家咁多港股嘅AI股跌，因為擔心唔可以再透過灰色渠道攞到晶片。
KL又話，黃仁勳喺Nvidia有3個角色，首先係晶片開發及營運，但呢一方面對臨時行政總裁嚟講唔算難，不過，黃仁勳擁有喺台灣、中國及美國嘅政治信任，同埋佢同台灣生產商嘅關係，呢啲好難被取代。
佢續指，如果單睇Nvidia股價，之後波幅應該會收窄，又認為業績冇太大參考性。
