【Now財經台】美國中期選舉後，科技股大幅波動，雖然外圍股市近期氣氛麻麻，但據1950年以來統計數據顯示，標普500指數喺中期選舉後12個月都錄得升幅，平均回報達15%，到底依家觸發市場震盪係咩因素？
摩根資產管理環球市場策略師周奐彤指，過去2年波動性愈來愈大，上落嘅升幅好頻密，主要係市場開始擔心人工智能(AI)投資回報，投資嘅現金流幾時返到嚟，中期選舉後最擔心Data Center會唔受地區監管、興建唔到，電力供應遇到瓶頸，加上息口持續高企，以及對經濟前景有少少憂慮，同埋個別公司事件被放大。
她續指，但另一方面，昨晚(11日)見到一啲新型雲端服務商業績唔錯，反映需求仍然存在，所以見到資金由Hyperscaler、晶片龍頭，流向一直較睇好嘅硬件、Semiconductor及記憶體等，雖然對「科技7雄」(M7)有影響，但AI生態圈基本面冇變，由於供應鏈需求仍然喺度，所以中長期仍睇好。
周奐彤又稱，好多投資者都問AI Bubble係咪爆咗，的確AI最易賺錢，或靠估值擴張嘅時期其實已經過咗，依家就係靠需求，或者...
