【Now財經台】6隻新股今日(30日)起撞期招股，其中，入場費最貴係內地存儲器廠商宏芯宇(02681)，入場費逾8300元，受惠於人工智能(AI)發展，集團近年收入、盈利及毛利率急升，今年首4個月收入按年大升近2倍，相當於去年全年70%。宏芯宇產品有冇特別優勢，可以支持業務持續增長？產能又配唔配合到？
高歌證券金融首席分析師聶振邦指，宏芯宇作為存儲器廠商，簡單嚟講，業務類似SD卡及mini SD卡，由於現時行業景氣度高，就算宏芯宇全球市佔率僅0.6%，排行第12位，唔係最頂尖份子，但由於相關產品整體需求持續殷切，所以銷情仍理想。
聶Sir又指，集團今年首4個月收入、盈利表現十分亮麗，亦反映市場對公司產品有一定信心。
