【Now財經台】雖然昨日(29)有強勢嘅內銀股力撐大市，但恒生指數最終又失守23000關，港股喺今日(30日)喺10月最後一個交易日反彈，3大指數升逾1%，港股近期突然大跌，又突然反彈，點睇依家嘅市況？應該點揀股？
勝利證券首席顧問陳建良指，現時港股係一個「急升慢跌」格局居多，又認為依家冇乜特別消息，令市場有改觀最重要係跌得太多、超賣得太緊要，所以有返少少Value，就夾返上去，出現「急升慢跌」係因為淡倉累積得太多，就要斬倉先得，如果美股今晚反彈，再夾多一棍就要唞一唞。
KL又話，依家唔建議揀前排睇落走勢好好嘅股份，例如醫藥股，如果要撈貨，可以考慮已經自高位回落超過過60%以上嘅股份，因為係跌得多嘅股份會有多啲彈藥，較大機會反彈或回升。
