【Now財經台】截至早上11時止，過去1小時內《彭博》搜尋量最多港股，依次為美團(03690)、蒙牛乳業(02319)、友邦保險(01299)、小米集團(01810)及聯想集團(00992)。
國家市監總局近日召開企業公平競爭座談會，同內地互聯網平台、汽車及醫藥等領域負責人，就反壟斷進行深入交流。此外，五中全會強調，要深入挖掘內需潛力，有外賣及閃購業務嘅美團，係咪都可以受惠於國策？
大華繼顯執行董事梁偉源指，通常座談會結束後，相關股份都會跌，但今日爆冷有得升，因為撞正市場對人工智能(AI)嘅憂慮及恐慌人情緒持續，導致唔少資金流入更保守、防守性高嘅股份，所以喺五中全會提出內需政策後，今日就有好多同內需相關股份，例如外賣平台、食品、家電、體育用品等股份跑贏大市。
