【Now財經台】微軟(Microsoft)昨晚(28日)派咗上季成績表，市場關注嘅Azure雲計算服務收入按年增長48%，雖然自由現金流減少27%，但仍然係「科技7雄」(Magnificent 7)中最強勁，集團放榜後，股價喺美股昨晚延長交易時段升近3%，微軟股價係咪可以力壓其他「M7」成員？
高富金融集團投資總監梁偉民指，雖然今次Azure錄得高增長，但其實仍有2大不明朗因素，首先，雲服務有部分係靠出租算力，所以隨時有其他競爭者加入，導致優勢唔再明顯，其次，雲服務有部分係同美國人工智能(AI)公司OpenAI合作，現時2家公司之間嘅合作已冇咁穩固，可能會影響雲服務收入。
Wyman續指，雖然微軟呢份季績表現唔錯，但唔代表喺AI競爭方面有優勢，又認為股份值博率唔算太吸引。
