【Now財經台】過去2星期，半導體股、科技股都要跌，但非人工智能(AI)股向上，指數可以靠非AI股撐住，不過，上周後期非AI股回調，AI股就開始反彈，呢個情況係咪屬於健康輪動，會點影響市寬？
「股市漁夫」創辦人莊志雄表示，費城半導體指數(SOX)自10月7日見頂回落，顯著下跌，以收市價計，截至10月22日止，已累跌約18%，反而非AI股同期升近6%，原因係唔少非AI股同息口相關，例如屬於防守性嘅必需消費品、醫療及房地產板塊等。
Lewis又話，呢個輪動其實唔太健康，因為資金去咗打防守戰，轉向供用股、收息工具、國債都係趨向保守嘅做法。市寬方面，納斯達克指數自上周五(23日)反彈，但納斯達克指數嘅中線市寬喺上周一(19日)已開始反彈，領先咗幾日，所以，近日市寬的確係有領先指標作用。
