【now.com財經】市場一直擔心泡泡瑪特(09992)第3季銷售，集團昨日(27日)果然交出令人驚嚇嘅數據，上季營收暴跌50%，海外市場更成重災區，其中，美洲收益暴瀉75%，一直真金白銀力撐POPMART嘅「中國股神」段永平唔知點睇，仲會唔會掟錢增持都係未知之數，但泡泡瑪特最新數據，可能反映盲盒經濟，以至集團昔日「吸金王」Labubu可能已經爆咗煲。泡泡瑪特股價今朝(28日)一如預期捱沽。
泡泡瑪特大幅低開6%，開市報124元，其後跌幅一度略為擴大至6.2%，低見123.8元，之後收復部分失地，最新報128.4元。
