【now.com財經】噚日無揀到貨出嚟，一來無乜心情，二來市亦都無乜方向。
噚日都有講到，今個星期都比較多議息日，今晚/明日凌晨時間美國就會公布新一輪嘅議息結果，本以為大市今日都會好似噚日咁吽住靜待議息結果，所以喺作戰室同步執定滙控(00005)好倉，皆因一陣完上半場之後，滙控就會公布業績，如果炒業績嘅話，咁依家都仲有時間去執貨。
至於港股方面，今朝開市後都未搶貨，更加未Plan好出乜倉，皆因有見五分鐘圖啲技術指標擺位都係喺中軸，即係是但向一個方向走都可以，直至到9點50分有見指數向下過五分鐘圖日內畫嘅底線，先至以淡倉作為今日第一注追出，及至10點左右見150線位有接住就已經清淡倉，100點正數應該無問題；作戰室嘅步伐就係咁快。
換小時圖嘅話，依家10點20分，暫時有見指數被小時圖嘅10線同20線夾住，而保歷加通道口收窄中，安全嘅都真係確認條中軸穿得過先至再出淡倉，否則指數於收窄中嘅保歷加上升通道夾住而行，位唔多亦都難做。
換個目標睇吓隻象。噚日喺《CK Chan不止是投資》嘅youtube channel裡面，So Sir蘇顯邦前輩有提及過隻滙控，我順便幫手sort咗啲牛證出嚟啫。
今日睇返滙控股價醒到142個幾，未到143蚊嘅。慣例滙控嘅業績係喺中午公布嘛，所以單純玩業績嘅話，依家仲有個半鐘到收市，都仲夠時間嘅。
滙豐牛(56147)，收回價130元，同現價有約12.5元距離，槓桿有約12倍，為同一收回價中槓桿最高嘅牛證，低街貨亦係其中一個賣點。
點解會只係話博個業績一趟呢，而唔用佢日線圖嚟做一兩日貨仔呢？
其實日線圖用技術分析嘅角度去睇，都有一定嘅值博率，但問題在於英國嘅《財政預算案》聽日就會出，因為英國嘅國家債務總額已突破3萬億英鎊，所以都市傳說有講到話可能會向金融機構「開刀」，加徵稅項。
雖然有報告話如果係中性情況下(附加稅由3%加到8%)，預計只會令滙控嘅年度利潤減少約1.1%；就算加到10%，滙控嘅利潤降幅亦僅約1.5%，主因滙控大部分利潤貢獻仲係嚟自亞洲地區(佔比逾六成)，睇上去都好似係散紙咁，但係咪真係咁出，或者會唔會有新嘅玩法而係都市傳說無講底嘅?!唔知，但肯定嘅係會影響到滙控嘅走勢。
所以，睇返近少少，做返 Day Trade先啦，依家10點40分見滙控小時圖上到中軸位，過到得到中軸嘅有得博，過唔到嘅碌返落去五分鐘圖做吓Swing Trade好啦。
作者阿珊，以技術分析玩輪證，唔貪心，努力賺取我家肥貓罐罐( Φ ω Φ )。
想睇埋美日台股、金油匯幣ETF嘅玩法，請往Patreon搜尋「cbbcwar」；《傻寶不懂的技術分析》系列已於Google Books Store上架，可免費試閱。
資訊只適用於合資格的香港投資者。本文章涉及瑞銀以外第三方機構代表之意見，其所發表的言論和觀點僅代表該第三方機構及/或其代表之個人立場，並不代表瑞銀及與瑞銀無關。資訊由瑞銀集團提供，其僅作參考，並不構成買賣建議、邀請、要約或游說。瑞銀為結構性產品的發行商，瑞銀及其成員、其聯屬公司及董事及僱員可能持有本資料所述證券之權益（作為主事人或其他）。結構性產品並無抵押品。如發行人無力償債或違約，投資者可能無法收回部份或全部應收款項。結構性產品價格可急升或急跌，投資者可能會蒙受全盤損失。過往表現並不反映將來表現。牛熊證備強制贖回機制而可能被提早終止，屆時(i) N類牛熊證投資者將不獲發任何金額；而(ii) R類牛熊證之剩餘價值可能為零。投資前應瞭解及自行評估有關風險，並諮詢專業顧問及查閱上市文件内有關結構性產品的全部詳情。UBS Securities Hong Kong Limited為結構性產品之流通量提供者，亦可能是唯一報價者或巿場參與者。© UBS 2026。 版權所有。
