【Now財經台】美債息上周顯著回落，個別科技股大幅調整，但指數就跌得唔多，資金係咪由股市轉投債市避險，導致債息回落？點分析科技債資金轉投國債嘅情況？
獨立資產配置策略師方源指，依家屬於避險情況，個別較重債嘅人工智能(AI)股受債市影響，股價下跌。市場認為息口未必再下調，又擔心明年再加兩次息，憂慮市場未必承受到，所以趁依家基本上任何年期嘅美債債息跌，由垃圾級別債券換馬美國國債，之後再視乎市況再做部署。
Erik又指，超大型科企如Google及英偉達(Nvidia)，20年至30年期嘅公司債息會跟住美國國債回落，所以市場暫時對大型科企發債唔太擔心，不過，唔睇好部分公司債，例如數據中心服務提供商CoreWeave及美國軟件公司甲骨文(Oracle)，因為呢啲公司本身孭太多債，息口變動會影響還錢能力，所以買大型科技股如「科技七雄」(M7)，唔係孭重債嘅公司債係可以，但如果買孭重債嘅公司債就要小心。
