【小股東唔好開心住！】傳SK海力士豪派逾900億特別息

【now.com財經】今個星期有唔少外圍科技巨企派上季成績表，當中包括南韓記憶體晶片巨企之一SK海力士(SK Hynix)，公司將會喺周三(28日)出業績，不過，焦點唔係公司賺幾多錢，而係有消息指集團可能向股東「派錢」。

據南韓《東亞日報》引述投行消息指，SK海力士計劃向股東豪派16萬億韓圜特別息，折合約948億港元，呢筆錢係來自出售日本記憶體晶片企業Kioxia股權後，所獲得利潤約80%。

不過，據《路透》報道，集團話最終派唔派仲未有定案，又指仍考慮緊多種回饋股東嘅方案。