【Now財經台】避險資金未見流入金市，金價一度失守每盎司4000美元，跌至逾3個月低位，依家收復返呢個關口，係咪可以再部署返黃金？
方德證券首席全球宏觀分析師張建泰指，最近美股跌市觸發避險情緒，傳統「避嫌三寶」，即美債、黃金、日圓，其中，只得金價冇得升，甚至跌穿4000美元，但Ken認為，無損黃金嘅避險地位。
佢解釋，其實只係倉位上有分別，之前市場做美債短倉，所以現時美債比較安全，有息收，自然吸到金。張建泰又話，去年唔少人投資黃金，所以就算中長線有央行繼續買金，又或者沽美元買金，短期倉位嚟睇都會因為股市跌得比較急，要清倉黃金投資攞返美元，因而導致黃金失去避險功能。
不過，Ken估計，中期而言，消化長倉後將會有資金喺4000美元水平買入，所以唔太擔心會失守呢個位。
