【Now財經台】新股微億智造(03275)已於今日(23日)中午截飛，預期下周三(28日)上市，公司主打工業具身智能(Embodied AI)機械人，亦係產品供應商，現時佔內地行業市場份額約20%，產品由AI模型驅動，具有感知、學習、決策及執行能力，港股有唔少機械人概念股，微億智造有咩賣點？
Blue Water Capital投資總監李澤銘指，如果睇產品領域係比較特別，但行業本身就比較窄，睇返公司產品系列，大部分都係做工業檢測，即係品質控制(QC)，呢個環節自動化程度愈來愈高，所以係有需求。
但Alan認為，成個行業想像空間及版圖唔算闊，所以增長唔會太勁，現時公司收入僅數億元人仔，現時估值及定價都有過高嘅情況，Alan估計，微億智造上市後估值會回落至正常水平。
