【now.com財經】正當市場擔心人工智能(AI)爆泡沫危機之際，資金照追A股人形機械人概念股，其中，上市後股價曾暴跌，之前曾經喺短短4個交易日蒸發咗2000億人仔市值，引發機械人泡沫爆破疑慮嘅宇樹科技(Unitree)，股價連日強勢，今日(23日)再大爆發。
宇樹股價今日飆20%或104元人仔，報624元人仔，觸及漲停機制，市值重上2500億人仔，股價今個期累升逾46%。
宇樹日前突襲式發布最新嘅「H2-X Kung Fu Legend Guardian」(功夫傳奇守護者)人形機械人，呢個「功夫機械人」可以打出連環拳、側踢、凌空飛肘等，原來仲幫到宇樹股價。
