【Now財經台】挪威主權基金(GPFG)第3季蝕297億美元，整體回報率負0.5%，基金規模維持約2.35萬億美元水平，基金蝕錢主要受固定收益類投資拖累，期內，由於國債孳息抽升，導致手持的國債價格下跌，因此，錄得3.5%負回報。近期歐美日國債孳息仍未有回調跡象，係咪反映國債投資前景仍然艱難？GPFG資產配置有冇參考價值？
LW投資組合經理黃耀宗指，大部分國家都面臨通脹壓力，所以債務短期應該好難回落，若投資者要遷就債價波動係好難，但有投資者會睇遠啲，唔太介意中間嘅波動，例如5厘美國國債理論上可以話冇風險，所以要視乎睇息定睇債價。佢補充，歐洲嘅情況比較複雜，所以成熟嘅國債市場中，美國及澳洲嘅債券可以睇高一線。
Andy又指，基金嘅資產配置對一般投資者冇太大參考價值，GPFG呢類基金因為有本身嘅governance及benchmark要跟，但都可以留意資產比重係overweight定underweight，如果基金下調債券比重，可以解讀為方向都係underweight。
