【Now財經台】小米集團(01810)股價今朝(23日)一度升逾6%，高見27.4元，係表現較好嘅藍籌。過去5日，小米好倉流出逾千萬元，今朝小米資金偏好好倉定淡倉？此外，小米股價近日喺24至26元上落，小米CALL、PUT邊類條款較受歡迎？
中信證券國際股權衍生品銷售經理李碧珊指，小米股價現時都係區間上落，但好淡倉資金都有興趣部署小米，好倉主要有兩種取態，一種係部署貼價、吼防守力高嘅CALL，另一種係部署年期好短，進攻型嘅CALL，個別槓桿有10倍，加上輪價較低，適合做超短線、想博反彈嘅投資者。
Percy續指，小米股價今日早段升6%時，呢批資金就開始食糊，今朝資金主要流入淡倉，熱門PUT價外約10%，明年4月到期，槓桿4倍。
