【Now財經台】法國騷亂影響多家商舖，法國第二大超市連鎖店家樂福(Carrefour)下調全年財務預測，每股盈利由原本預期錄得個位數增長，下調至大致持平。摩根士丹利及巴克萊亦下調家樂福目標價，最新睇17至18.35歐元，消息拖累家樂福法國股價急挫，家樂福算唔算為今次騷亂對法國經濟影打響了第一槍？
資深經濟分析師羅家聰指，一定會有影響，但認為今次法國騷亂初期嘅示威活動有啲「戲味」，做夠就會收手，不過，後來發展至暴徒四處搶掠、搞破壞令成件事變咗質，雖然受破壞嘅商店等有保險包，長線影響唔算大，但要回復信心始終需時，所以家樂福被下調目標價係意料中事。
KC又話，家樂福呢類連鎖店除咗舖面業務，仍亦網上業務支撐，加上產品主要為日用品，需求彈性低，因此，影響唔算太大，反而旅遊業及休閑類零售等會受較大影響，佢認為，整體嚟講，法國騷亂會對股市造成打擊，但唔會太嚴重。
