【Now財經台】 「科技7雄」(M7)之中，Meta及Tesla昨晚(21日)搶閘派咗第3季成績表，市場焦點落喺兩家公司資本開支(CapEx)，Meta上調今年開支下限，加碼投資人工智能(AI)，不過，Tesla就下調全年資本開支至200億美元，點睇兩間公司嘅取態？
復星國際資產管理投資經理李曉翀指，市場上季曾質疑Meta資本開支可唔可以維持，但新推出嘅人工智能代理(AI Agent)「Muse AI」比到市場信心，所以保守地上調CapEx下限，反映佢哋算力購買及上調整體AI資本開支嘅趨勢冇太大變化。
Tesla方面，Andrew就話，下調全年CapEx係因為Terafab半導體工廠設備延誤，可能今年冇咁大開支，屬於到付時間影響，同整體業務冇關，未來應關注Tesla同SpaceX合併細節，佢估計，Tesla未來或將機械人、Robotaxi等高增長，但短期難有實質盈利嘅業務注入SpaceX，而Tesla本身造車業務定位為中美交流嘅重要角色及樞紐，或有利採購稀土等上游原材料。
