【now.com財經】噚日揀咗恒指熊恒指熊(69348)出嚟，好單純的Keep住用戰友們呢排總結出嚟嘅「彈高熊就得㗎啦」嚟出貨嘅話，先是五分鐘圖上見指數失守20線之後，全日都未曾上返去線上；繼而小時圖上亦見保歷加通道口保持拓闊，亦都係噚日出淡倉嘅一個原因。
由於噚日指數係無出到走淡倉啲觸底反彈樣出嚟，真係全日低走條五分鐘圖中軸線之後就無再企得返上去，所以呢注貨會以平時不過夜為原則計入【月度報告】裡面。但如果你選擇咗過夜嘅話，今朝甫開市先有139點嘅裂口，再到依家8點38分，指數向下再殺到落去23304點，首四層街貨都無兼且跌穿埋喺作戰室我自己預計定嘅跌。
10點前作戰啲即市追/恒指Put都見有戰友全清/出風箏策略，總之正數就好啦。
再嚟到依家10點8分，見指數落到大約23150點位開始有似企定，五分鐘圖上亦都見到保歷加通道開始出返通道樣，不過作戰室裡面都選擇先畫住23150點作為底線位，睇吓佢企唔企得住。
再去到10點18分，有見指數都唔係好企得住23150點線位，更重要嘅係，小時圖保歷加通道口都仲未收窄，唉，講明依家市場上最貼價嘅熊係同現價有逾870點，最高槓桿都係得27.6倍，有兩隻嘅，但揀隻活躍嘅就係(69556)，佢嘅收回價係24063點。
係明少少再硬追落去㗎，所以注碼控制風險啦；同時都邊hold淡邊小心住一啲轉角/觸底訊號，一有唔對路就走人啦；作戰室都會博多一注淡倉，只不過係用10點前食返嚟嗰一注淡倉裡分一部份出嚟做第二注。
作者阿珊，以技術分析玩輪證，唔貪心，努力賺取我家肥貓罐罐( Φ ω Φ )。
想睇埋美日台股、金油匯幣ETF嘅玩法，請往Patreon搜尋「cbbcwar」；《傻寶不懂的技術分析》系列已於Google Books Store上架，可免費試閱。
