【Now財經台】以色列下星期舉行大選，美國總統特朗普(Donald Trump)表明撐總理內搭尼亞胡(Benjamin Netanyahu)競逐連任，內搭尼亞胡揚言推翻伊朗政權，令中東局勢再度升溫，刺激紐約期油重上每桶100美元，值得留意係，近期紐油同倫敦布蘭特期油走勢經過背馳，點解會出現呢個情況？
高富金融集團投資總監梁偉民指，雖然短期紐油同布油走勢唔一致，但睇長啲，其實兩者走向基本上係一致。近期布油已升穿9月高位，迫近3月、4月時高位，相反紐油仍未升穿9月高位，反映布油走勢相對較強，由於歐洲對進口石油較依賴，當油場不穩時，布油升幅一般都大過紐油。
Wyman又指，市場未完全反映地緣政治風險，近期沙特阿拉伯及胡塞武裝之間嘅衝突，或影響沙特石油產量，甚至令航運及出口受阻，為紐油同布油帶來更大不確定性。
