【Now財經台】在人工智能(AI)大時代下，呢場「科技革命」令投資、工作以至退休安排都帶嚟影響，點睇AI對投資者喺退休部署方面嘅影響？
普徠仕大中華區分銷業務總監陳偉文指，公司近日有探討AI對退休規劃嘅影響，以及AI嘅崛起及發展，據調查結果顯示，有55%受訪者認為AI令退休變得更難預測，令退休時間表存在不確定性，但並非純綷擔心AI會否取代自己嘅工作崗位，又或者會唔會提早「被退休」，而係令佢哋可以有新技能、新可能性，有機會重投職場，甚至創業。
Raymond續指，受訪者認為喺AI時代彈性及靈活性有需要大啲，因為未來嘅工作環境可能同傳統唔一樣，AI令佢哋由工作過渡至退休，會經歷好多唔同階段。此外，有受訪者指出，AI嘅出現令佢哋覺得需要多啲資金，先可以安心退休。
