【Now財經台】小米集團(01810)股價今朝(15日)一度逆市升逾3%，高見27.26元，之後保持升勢，小米股價已連升3日，5日合計，好倉有逾800萬元坐貨，好友有冇食糊離場？雖然今日科網股跌，但小米仍有得升，如果繼續睇好想入場，熱門CALL價外約10%，行使價26至30元，槓桿4倍。熱門牛證收回價距離現價約10%，介乎22至23元，槓桿6倍至7倍。CALL及牛證揀條款時有咩要留意？
中銀國際證券衍生產品部董事朱紅，小米呢轉走勢偏強，小米汽車新出嘅「澎程」(SkyNomad)系列、家電產品銷售都理想，由昨日(14日)開始，考慮緊高位買返啲CALL嘅投資者開始入場，條款可以留意行使價29至30元，明年4月到期，槓桿4至5倍，PUT輪就可以考慮行使價約21元，明年4月到期，槓桿4倍至5倍，都較多投資者選擇。
