【Now財經台】南韓股市近期表現差，首爾綜合指數昨日(13日)急挫逾5%，更一度失守6000關，但已失守200天線。外資持續流走，韓股兩大支柱三星電子(Samsung)及SK海力士(SK Hynix)又失勢，加上現時全球股市波動，係咪要等股市喘定，韓股先可以回暖？
星漢資產管理行政總裁王榮昆表示，其實韓股去年11月開始已走資緊，真正可以撐起南韓股市，係當地投資者市場情緒，但市場情緒喺6月及7月被嚴重摧毀，幾乎隔日就出現熔斷，迫使政府要對人工智能(AI)相關企業加稅，繼而損害投資者嘅利益。
James又話，南韓投資者比較投機，好似去年嘅加密貨幣熱潮，之後南韓投資者轉戰AI板塊，佢認為，南韓投資者比較傾向短線獲利而唔係長期持有，所以當投資市場情緒唔一致時，估計投資者只要有少少錢賺就會沽貨嘅情況會持續。
