【Now財經台】日韓股市及半導體股資金今日(13日)紛紛避險，日圓轉強至158.2兌1美元，繼續喺200天線爭持，資金係咪短暫流入日圓避險？
1uptick Analytics首席分析師杜浩霆指，昨晚(12日)有美國聯儲局官員發表鷹派言論，指通脹開始擴散，要盡快小幅加息，刺激日圓昨晚衝上158.5水平，最新落返158.2水平。
Perry又指，日圓大方向未有太大改變，之前見過156，依家抽返上嚟，市場都睇緊下一浪會唔會有機會升穿160水平，暫時200天線係短線阻力，操作上可以睇橫行區，即156.5至159，短期如果貼近通道頂可以考慮先行獲利，等再有新消息再做部署。
