【Now財經台】美國本周會出最新通脹數據，市場預期，整體通脹按月將會上升，但核心通脹升幅有望收窄，點預測美國消費物價指數(CPI)及美匯指數走勢？
ATFX亞太區首席分析師林銘添指，市場都預咗CPI升幅擴大，加上零售表現理想，之前公布嘅9月非農就業數據唔理想，依家市場估計聯儲局10月加息機會唔夠20%，但如果CPI突然抽升，加息壓力又會再大返。
佢又話，地緣政治及歐洲危機憂慮令資金流向美元，令美匯指數可以企穩102水平，如果CPI超預期，聯儲局加息機會就會升溫，繼而支持美元向上。林銘添提醒，除咗CPI，亦要留意本周公布嘅美國生產物價指數(PPI)、聯儲局地區經濟報告《褐皮書》，以及聯儲局主席沃什(Kevin Warsh)發表講話，因為都會影響美元走勢。
