【Now財經台】有「非洲手機之王」之稱，本身已經喺A股上市嘅傳音控股(02636)，今日(9日)第3日招股，下周一(12日)截飛。以收入計，傳音最大市場係新興亞太市場，值得留意係，雖然今年首4個月智能手機平均售價按年升30%，但都只係705元人仔，功能手機均價只係47元人仔，未來有幾大增長空間？
Blue Water Capital投資總監李澤銘指，小米集團(01810)、華為等手機品牌商都係瞄準新興市場，不論係新興亞太區市場定非洲市場，行業「內捲」相當嚴重。
Alan續指，就算蘋果公司(Apple Inc.)產品加價20%至30%，仍會有承接力，不過，新興市場消費者對價格相對較敏感，若傳音手機加價10%，消費者嘅購買意欲已經會大減，所以傳音手機未來加價空間有限。
