【Now財經台】A股昨日(8日)長假後復市顯著受壓，上證收市跌唔夠1%，但創業板指數挫逾3%，跌至今年低位，科創50指數更瀉4.8%。雖然中央喺長假前出招撐樓市、谷消費，有分析指樓市再出現「小陽春」，但整體消費仍然疲弱。中央會唔會再出手提振消費？
資深證券業人士溫天納指，睇返整個黃金周嘅數據，例如出行客量、跨境物流及人流等都錄得單位數升幅，但差過以往嘅雙位數增長，明顯同預期有落差。
Ronald又話，政策面方面，相信市場會預期未來會推出更多谷內需相關政策，例如「以舊換新」，但力道唔會太大，內需能唔能夠回暖，估計呢個係較大嘅瓶頸位，仍要視乎中央有冇多啲政策出台。
