【期匯決算】歐元弱做交叉盤有著數

【Now財經台】摩根士丹利外匯分析師指，雖然歐元兌美元弱勢，但建議唔好只做淡歐元兌美元，因為歐元兌其他非美貨幣交叉盤更吸引，首選歐元兌澳元或歐元兌瑞郎，可以有效對沖歐洲風險交易，係咪真係咁吸引？

獨立外匯商品分析師盧楚仁表示，認同大摩分析，又指一旦歐元走勢唔對路，而美元強勢，當然係揸美元沽歐元，不過，如果認為美元走勢飄忽，想沽歐元或係做套息交易(Carry Trade)賺埋差價，瑞郎及英鎊都係唔錯嘅選擇。Jasper又話，歐元弱勢唔係一時三刻，所以做交叉盤有著數。