【Now財經台】截至早上11時止，過去1小時內《彭博》搜尋量最多港股，依次為壁仞科技(06082)、MiniMax(00100)、中遠海運國際(00517)、華虹宏力(01347)、中芯國際(00981)。
壁仞股價今日(8日)平開，但配售消息一出，股價應聲向下，一度大跌9%，低見31.34元，仍可守住配股價31.08元﹐集團折讓近10%配股，淨籌逾40億元，壁仞一解禁又再「抽水」，10個月內兩次Cap水，合共逾170億元，股價喺7月初配股時冧咗約60%，今次會唔會又再出現大調整？
Blue Water Capital投資總監李澤銘表示，雖然壁仞營運及盈利表現一般，但港股嘅人工智能(AI)概念股選擇唔多，而部分資金特別偏好呢個板塊，但呢批捧場客唔足以推升股價，喺營運狀況冇明顯改善前，股價好難轉勢。
Alan又話，今次股價調整可能唔止60%，因為短期已跌穿9月低位，亦迫近配股價，加上配股價防守力唔強，相信好快會失守，估計下個支持會係7月低位，即27.6元水平，中長線嚟講，相信會持續捱沽。
