【Now財經台】歐元匯價昨日(5日)下挫，兌美元低見1.1161，跌至2025年5月19日以來，近17個月低位，導火線係西班牙首相桑切斯(Pedro Sanchez)宣布提前大選，加上市場憂慮法國爆發債務危機，面對西班牙、法國兩大歐洲經濟體，受政治及經濟不確定性夾擊，情況似乎都唔樂觀，會唔會令投資者加快拋售歐元資產？
iFast Global Markets副總裁溫鋼城指，因為曾經歷過歐債危機，市場一定對歐洲國家債務佔國內生產總值(GDP)嘅比例較緊張，雖近期佔比有持續上升跡象，但睇返西班牙及法國債務佔GDP比重，最新係1倍及1.15倍，加上債息升得好急，好易出現債務成本上升及赤字不斷惡化嘅情況，呢啲都係歐元一直走弱嘅主因。
佢又講，雖歐洲央行肯加息，但美元持續強勢，對歐元而言壓力一定較大，歐元兌美元最新喺1.11水平，唔夠1年已貶值近5%，若債息未來持續急升，歐洲嘅情況的確令人擔心。
