【Now財經台】華虹宏力(01347)股價今朝(6日)逆市向下，一度跌逾3%，低見106.3元，以今日暫時即市低位計，股價已自7月高位218元回落逾50%。如果想博反彈，熱門CALL輪槓桿約2至3倍，行使價由貼價113.4元，到價外68%都有，揀CALL輪條款時有咩要留意？博反彈係咪要揀貼啲？
胤源世創家族辦公室(香港)第一副總裁黃偉豪指，如果想博短線反彈，揀貼價CALL到價機會較大，但輪價會相對高，槓桿亦冇咁高。近期港股強勢板塊主要圍繞人工智能(AI)，但華虹屬於較傳統半導體股，唔係依家熱炒嘅晶片股，所以彈力唔算強，現階段開好倉吸引力有限。
佢又話，華虹股價近日略為回穩，阻力喺109元水平，接近10天及20天線水平，如果升唔穿阻力，加上相關CALL槓桿僅約2倍，唔建議開好倉博反彈。
