【Now財經台】9月百強房企銷售額2421億人仔，係今年第3季以來表現最好嘅月份，傳統上9月銷售相對暢旺，加上今年又有「828樓市新政」推出，相信對9月銷售有更大支持，不過，「828新政」包括收緊樓花銷售制度，對發商商推盤部署有幾大影響？
廣東省地產商會副會長尹德輝指，20至30年前做發展商基本上只係起到樓，賣樓花就有錢收，新政策要求賣現樓，相比之下，對發展商係「唔太友好」。
佢又話，新政策主要加強買家信心，政府向市場釋出「發展商嘅樓唔會爛尾，一定有得入伙」嘅訊號，政府想同大眾講，唔係要追求數量，而係要樓市穩定，對於市民嚟講係一個喜訊。此外，政府亦想留低優質發展商，加強大眾嘅信心。
