【Now財經台】花旗最新將莫德納(Moderna)評級降至「沽售」，但目標價60美元上調至80美元，該行認為，Moderna由30美元起步，升至200美元以上，估值唔合理，又直指市場對集團嘅樂觀銷售假設不切實際。過去1年，其他創新藥企包括再生元製藥(Regeneron)、BioTech、Alnylam，股價表現都好飄忽，今次Moderna被調低評級，對其他創新藥企影響有幾大？
資深經濟分析師羅家聰指，其實近年創新藥企股價表現都唔係太好，僅再生元相對穩定，但唔係搶閘宣布有新藥就可以推升股價，仍要評估臨床數據、美國食品藥品監督管理局(FDA)幾時批藥。佢又指，就算新藥獲批，甚至已正在使用，股價都可能要一段時間先會爆升。
KC續指，以推出減肥針嘅藥企為例，產品早於8至10年前已經存在，但相關公司股價早期「唔識行」，直至有明星開始用及成為潮流後，股價先開始升，反映有一定程度嘅滯後，因此，雖然創新藥股普遍差少少，但呢個跌勢實際意義唔大。
