【Now財經台】美光科技(Micron Technology)昨日(1日)出咗2026財年第4季業績，收入按年飆近3.8倍至逾542億美元，經調整每股盈利按年勁升10倍至33.4美元，毛利率維持87%。美光放榜後獲多家機構調高目標價，最新睇1300美元至1500美元，即較現價高逾10%至30%，如果以美光下季預測每股盈利約38美元計，呢啲目標價嘅動態市盈率(PE)僅約10倍，算唔算抵買？
獨立分析師黃耀宗指，雖然美光第4季業績靚，但對股價刺激作用唔大，不過，若基本面冇特別轉差下，估值仍有約30%上望空間係幾合理嘅估算，假設估值追到30%以上，技術走勢上，1000美元水平會係防守止蝕位，值博率仍算吸引。Andy續指，不論睇現時估值，還是技術層面，操作上都算係抵買。
