【Now財經台】嬰兒產品產銷商好孩子國際(01086)創辦人兼主席宋鄭還提出，以每股1.5元私有化公司，較上周五(25日)收市價有逾38%溢價，涉資逾13億元，又話成功私有化後會維持上市地位。受消息刺激，集團股價今早一度狂飆逾35%，高見1.465元。至於私有化理由又係股份成交長期低迷、提供一次性套現機會等，值得留意係，好孩子成交喺9月明顯增加，疑似有春江鴨，同埋中期業績突然豪派股息，對私有化係咪有特別意義？
《香港股票財技密碼》作者梁杰文指，一般嚟講，大股東會喺公司業績比較差，股價比較殘嘅時候，趁機將公司私有化，但今次就比較奇怪，好孩子股價近半年輾轉向上，而最新中期業績亦好靚仔，利潤大升逾倍，又恢復派中期息，喺公司有咁多好消息下，主席仍願意用高溢價提私有化，只能夠話同過去嘅私有化個案完全相反。
