【now.com財經】噚日都係無揀到貨出嚟，至於睇咗兩日嘅寧王(03750)，本身揀寅隻寧德牛(55290)出嚟，睇吓有無得借小時圖橫行中嘅保歷加通道做趟Swing Trade，但連Slow STC(14.3)超買/賣位都掂唔到，唉~收得皮。
今日有見指數再次低開，只係今日無選擇低開後高走，用咗1分鐘嘅時間由245直入到243嘅重貨牛，作戰室第一注搶淡倉手快嘅都只係得幾十點志在參與，及至依家10點14分，恒指已經夾住喺大約30至40點區間位上落，係嘅，的確係等緊有無做觸底上嘅條件同訊號嘅。
同時都等緊隻寧王，因為之前mark住隻好倉，大圖嘅係上得到上日線圖嘅10天線而去；捉day trade嘅先博小時圖咁解。不過噚日有見股價上到10天線前向下挫咗落去，線唔過又有淡倉產品，咁就更係小注試吓啦。
寧德熊(59705)，收回價550元，已經係市場上最貼價嘅熊證，槓桿有約7.5倍，依家少少有見小時圖保歷加通道口拓闊，底線都有少少過，但小心Slow STC(14,3)兩線都已經處於超賣位，咁變相就要迫佢出超賣再超賣啦。
作者阿珊，以技術分析玩輪證，唔貪心，努力賺取我家肥貓罐罐( Φ ω Φ )。
想睇埋美日台股、金油匯幣ETF嘅玩法，請往Patreon搜尋「cbbcwar」；新書《風暴中的小資理財聖經》已於Google Books Store上架，可免費試閱。
