【Now財經台】今個星期最矚目一定係「習特會」，據《路透》之前報道，中美將會傾人工智能(AI)、關稅及關鍵礦物等議題，估計今次會面成果有幾大？此外，喺AI競賽不斷升級下，中美喺呢方面嘅分歧係咪仍會較大？始終雙方都唔會放慢發展步伐。
華夏基金總監龔偉廷估計，關稅戰「休戰期」有望延長，首先要營造一個比較良好嘅氣氛，其次係現時市場預期較低，咁就唔會出現一個較大波動。佢又指，現時中國對美國仍有逾萬億美元貿易盈餘，所以美國都要買一啲農作物，晶片政策方面亦有機會鬆一鬆手，反觀中方話事權會大少少，例如針對稀土嘅談判會有較多籌碼，又預期今次會面氣氛會較和平。
AI方面，William認為，醫藥股其實係AI嘅延伸，又指今次中美元首會面，有3個板塊可以睇高一線，分別係...
