【Now財經台】華為新一代人工智能(AI)晶片「昇騰960」超節點，係全球首個採用NPO技術(近封裝技術，是將光引擎直接靠近主晶片封裝)超節點，而中際旭創(03308)亦有NPO技術，集團喺全球AI光模塊市佔率高，亦受惠於AI數據中心，隨著相關技術不斷升級，高盛估計，明年相關產品出貨量龐大，到底可以為中際旭創及光傳輸板塊提供到幾大升值潛力？
Blue Water Capital投資總監李澤銘指，主要都係睇住英偉達(Nvidia)，而Nvidia更新換代速度比指引慢，現時中際旭創逾80%定單來自Nvidia，所以幾時供應到3.2T或6.4T仍要視乎Nvidia。
Alan認為，中際旭創股價已提前反映咗，若進度不以預期，中長線可能對股價有負面影響，而市場對光通信相關股份預期相當高，現時估值亦好貴，一旦未能做到預期目標，股價及估值都會有一個相應修正。
