【Now財經台】雖然美國聯儲局加息預期不斷升溫，但美匯指數最新喺99.7水平上落，唔算好強勢，睇返技術走勢，仍然係一個橫行格局，點睇美元後市？
1uptick Analytics首席分析師杜浩霆表示，美匯指數過去1星期上返近1個月高位，早前曾衝破100關，市場炒緊今年有機會加3次息，後來又傳唔會加，美匯指數又回落，直至8月美國聯儲局主席沃什(Kevin Warsh)話，可能會加1次息，美匯指數又反彈，近日市場都預期，今年聯儲局起碼會加1次息，幅度0.25厘。
不過，Perry提醒，要留意議息後或會出現獲利回套情況，美元短線或會回落，中長線就要睇油價走勢，若油價持續喺每桶90至100美元上落，加息情緒持續高漲，美匯就會持續強勢。
