【Now財經台】美國總統特朗普(Donald Trump)成日話，美國中期選舉後美伊戰事就會結束，油價又會回落，但睇依家債息嘅升勢，其中，美國10年債息近3年以嚟首次升穿5厘，反映市場都唔太信特朗普嘅講法，有分析估計，聯儲局今個月及12月都會加息，美息去到明年3月中或以前，仍會繼續上調？對通脹有咩影響？
資深經濟分析師羅家聰指，美國都想盡快停火，但伊朗就似乎唔想停，如果對家不斷搞局，油價好難喺短時間內平穩咁落返去低位，估計油價喺每桶70至100美元上落嘅機會較大，即平均都超過80美元，比去年60美元水平，高約20美元，繼而推高通脹，就算停火令油價落返去，通脹都唔會即刻降溫，而係慢慢調整，所以暫時對通脹預期唔太樂觀。
