【Now財經台】美國通脹持續高企，令加息預期持續升溫，美國10年期債息衝破5厘，喺市況不明朗下，揀股原則係咪以高息為先？邊類股份較穩陣？
艾德金融執行董事陳政深指示，過去3至5年投資者都傾向揀高息股，期間中資金融股、內銀股升勢明顯之餘，亦好穩定，亦反映市場資金取向，現時投資者揀股主要睇公司業務係咪受惠於息口環境、有良好派息紀錄，同埋可預見嘅穩定派息。
Ryan又話，市場唔係憧憬高增長行業，最重要係有穩定現金流，其中，可以考慮美高梅中國(02282)，獲批賭枱增幅係同業中最多，亦主攻中高端中場，可製造穩定及強勁現金流，有利派息，加上息率有6厘，過往派息紀錄唔算差，股價走勢又穩定。
資源股方面，佢認為中國神華(01088)可以留意，又提醒揀資源股收息，唔可以單睇行業，要考慮埋業務模式。
