【Now財經台】蘋果公司(Apple Inc.)推出首款iPhone摺機「iPhone Duo」，摺mon供應商係藍思科技(06613)，而南韓三星(Samsung)摺mon供應商，主要係及旗下三星顯示(Samsung Display)及康寧(Corning)，依家Apple加入摺機戰場，三星摺mon嘅供應商生意係咪會少咗？投資者買Apple產業鏈股，還是直接買返Apple？
元宇證券證監會持牌人士李偉傑指，三星摺mon嘅供應係多咗競爭者，同埋藍思科技供應摺mon畀Apple，可能因而受其他手機生產商關注。
Jason續指，依家手機設備商的確面臨生存壓力，但要視乎企業係咪有自身業務或拓展新業務，例如康寧喺呢方面做得比較好，因此，投資者不妨多關注相關企業，係咪有新業務可以替代傳統業務，紓緩業務太單一化嘅壓力。
