【Now財經台】內地商用服務機械人公司優地機器人(03231)今日(9日)首掛，成功扭轉近期新股市場劣勢，收市炒高逾1.5倍。至於智能機械人組件供應商梅卡曼德機器人(09615)，上市至今仍然「潛水」，集團今年第1季營業額大升逾70%，股東都好有份量，當中包括美團(03690)，梅卡曼德機器人幾時可以上返水面，集團當日招股定價101.7元？
高歌證券金融首席分析師聶振邦指，暫時嚟睇，梅卡曼德機器人走勢逐步向好，公司屬於產業鏈中游業務，生意較穩定，上市初期，由於撞正港股冇乜方向，加上散戶持股佔比較大，隨著散戶沽貨沽得七七八八，沽壓已明顯細咗，股價會有回升空間，不過，都要睇埋機械人板塊熱度keep唔keep到，如果炒作熱度降溫，上到90元水平會有阻力。
