【Now財經台】按揭市場喺低息環境下，業主供樓負擔唔算大，美國聯儲局將會喺下周二至周三(15日至16日)議息，結果將會喺本港時間周四(17日)凌晨公布，市場預期，局方將維持利率不變或加息0.25厘，喺依家嘅政治及經濟環境下，點分析利率走向？本港樓市受惠於低息環境，一旦美國加息，會對本港按息有咩？
經絡按揭轉介首席副總裁曹德明估計，美國最快第4季才會加息，但市場預會下周加息機會逾60%，佢又認為，雖然美國就業市場穩定，但聯儲局官員都要睇周五(11日)出爐嘅消費物價指數(CPI)，若通脹仍高企會增加官員投票壓力，到時就有機會加息，如果CPI維持平穩，就不必要加息。
他續指，就算美國加息，香港都未必跟足，因為本港銀行同業拆息(HIBOR)仍然處於偏高水平，估計就算本港加息，都只會加0.125厘，整體影響唔大，加上預期本地生產總值(GDP)溫和上升，都對樓市正面，所以就算息口高少少，整體樓市仍然正面，用家及投資者仍有興趣入市，但由於投資者要計成本，所以會對短期炒樓有啲影響。
